ಸಾವಿರ ಸ್ವರ್ಗಗಳ ಖುಷಿ

ನೀ ಬಂದ ಆ ಅಮೃತ ಘಳಿಗೆಯಲ್ಲಿ
ಬೆಳ್ಳಿ ಬೆಳದಿಂಗಳು ಮೂಡಿದೆ ಮನೆತುಂಬ
ಮಹೋನ್ನತ ಸಂತಸ ಹರಡಿದೆ ಮನತುಂಬ

ನಿನ್ನ ಮೊದಲ ಹುಸಿ ಅಳು ಹೃದಯವನ್ನು ಹಗುರಾಗಿಸಿದೆ
ನೀ ನಕ್ಕಾಗಲಂತೂ ಕುಣಿದು ಕುಪ್ಪಳಿಸಬೇಕೆನಿಸುತ್ತದೆ

ನಿನ್ನ ಯೆಳೆಯುಸಿರು ಕೈ ತಾಕಿದಾಗ
ಸಿಹಿಮುತ್ತಿನ ಖಜಾನೆ ಸಿಕ್ಕಷ್ಟು ಹಿತವೆನಿಸುತ್ತದೆ
ನಿನ್ನ ಒಂದೊಂದು ಉಸಿರ ಕಣಗಳು ಹೂಮಳೆ ತರಿಸುತ್ತವೆ.

ನಿನ್ನ ಕೋಮಲ ರೋಮಗಳು ತಾಕಿದರೆ ರೋಮಾಂಚನವಾಗುತ್ತದೆ
ಎಳೆಹೃದಯ ಬಡಿತ ಕಿವಿಗೆ ತಾಕಿದೊಡೆ ಪ್ರೀತಿಯ ಜ್ಞಾನೋದಯವಾಗುತ್ತದೆ

ನೀನು ಪುಟ್ಟ ಕೈ ಕಾಲುಗಳನ್ನು ಬಡಿದಾಡುವಾಗ ಪರಮಶಿವ ಕುಣಿದಂಗಾಗುತ್ತದೆ

ನಿನ್ನ ಆಕಳಿಕೆ ನನ್ನ ಮತ್ತೇರುವಂತೆ ಮಾಡುತ್ತದೆ
ನಿನ್ನ ಸುಖನಿದ್ರೆ ಸಾವಿರ ಸ್ವರ್ಗಗಳನ್ನು ಗೆದ್ದಷ್ಟು ಖುಷಿ ನೀಡುತ್ತದೆ.

– ಅಮಿತ ಪಾಟೀಲ, ಆಲಗೂರ
೧೩-೦೨-೨೦೧೭

Advertisements